سپریم کورٹ پریکٹس اینڈ پروسیجر بل‘8 باسکی لارجر بنچ جوڑ
بل انا برخلاف درخواست آک سماعت کن پک، جوڑ کروک بنچ اٹ جسٹس اعجاز الاحسن، جسٹس منیب اختر، جسٹس مظاہر نقوی، جسٹس محمد علی مظہر، جسٹس عائشہ ملک جسٹس حسن اظہر رضوی و جسٹس شاہد وحید اوار ءُ
Get real time updates directly on you device, subscribe now.
اسلام آباد: سپریم کورٹ پریکٹس اینڈ پروسیجر بل انا برخلاف درخواست آتے سماعت کن پک کننگا اینو پنچ شنبے نادے چیف جسٹس ناکماشی ٹی 8باسکی لارجر بینچ سماعت کیک‘ بینچ اٹ جسٹس اعجاز الاحسن، جسٹس منیب اختر، جسٹس مظاہر نقوی، جسٹس محمد علی مظہر، جسٹس عائشہ ملک جسٹس حسن اظہر رضوی و جسٹس شاہد وحید اوار ءُ‘ نجی ٹی وی تون گنڈوک اِرا سینئر صحافی و سینئر وکیل آتا کنڈآن سپریم کورٹ پریکٹس اینڈ پروسیجر بل 2023 ءِ عدالت عظمی ٹی چیلنج کننگانے‘ بل انا برخلاف آئینی درخواست آتے سینئر صحافی سمیع ابراہیم و چوہدری غلام حسین، راجہ عامر و عبداللہ ملک ایڈووکیٹ نا کنڈآن دائر کننگانے‘ آئینی درخواست آتے موقف تینائی کننگانے کہ پارلیمان سپریم کورٹ نا باندات آتے ٹی نیام تمنگ کپک‘ آئین نا آرٹیکل 191 و 142، 70 و انٹری 55فیڈرل لیجسلیٹو لسٹ نا رد اٹ پارلیمان تون سپریم کورٹ نا باندات آتے ٹی واکداری اف‘ سپریم کورٹ نا رول آک 1980 آن جوڑ ءُ‘ قومی اسمبلی، سینٹ وایلو کل ادارہ غاتا تینا جند انارول آک ءُ ہرافتے او تینٹ جوڑ کرینو‘ آئین ناآرٹیکل 184/ 3 نا رد اٹ اپیل نا حق تننگتو تو ایکٹ انا رد اٹ ہم تننگ مفک‘ بینچ جوڑ کننگ نا واکداری چیف جسٹس ناءِ‘ سپریم کورٹ تینا فیصلہ و ازخود نوٹس نا باندات نا بابت معیار پک کرینے‘ دا کانود بنداوی حق آتیان چَپ ءِ‘ بل بدنیتی آ جوڑ کننگانے‘ دا بل آئین تون دُرو اسے۔ درخواست آتے موقف تینائی کننگانے کہ بل ءِ کالعدم گوندسا صدر مملکت ءِ بل آ دستخط آن توننگے و عدالتی کارروائی اسکان بل ءِ معطل کننگ نا پرمان جاری کننگے‘ درخواست آتے ٹی بنجائی حکومت، صدر مملکت وایلوفتے پڑک جوڑ کننگانے۔
(آن لائن)