وزیراعظم شہباز شریف نا مفت نُت بشخنگ نا ہند آتا دورہ
ڈیرہ غازی خان و مظفر گڑھ نا ہند آتا دورہ نا وخت آ وزیر اعظم ہر بندغ نا رہی آ ہنا، ویل آتے خف تورے
Get real time updates directly on you device, subscribe now.
ڈیرہ غازی خان / مظفرگڑھ : وزیراعظم محمد شہباز شریف ڈیرہ غازی خان و مظفر گڑھ اٹ مفت نت بشخ وپانٹ کرینے‘تدوک آ دے وزیراعظم غازی یونیورسٹی ٹی جوڑ مفت نت تننگ نا ہند انا دورہ ءِ کرے‘ وزیراعظم نت بشخنگ نا نظام نا جاچ ءِ ہلک‘ وزیراعظم ہر بندغ آ ہنا و چندی حقدار آتا ویل آتے خف تورے۔ وزیراعظم تینٹ ہم بندغ آتے ٹی مفت نت بشخ وپانٹ کرے۔ ڈویژن نا حقدار خاہوت آتے ٹی دا وخت اسکان 49 لکھ بیگ بشخ وپانٹ کننگانے‘ ضلع ڈیرہ غازی خان اٹ جم وڑ اٹ حقدار خاہوت آتے ٹی 13 لکھ آن زیات بیگ بشخ وپانٹ کننگ نا عمل برجاءِ۔ وزیراعظم تون مفت نت تننگ نا ہند اٹ گرلز گائیڈ ایسوسی ایشن نا نمائندہ باسک آک اوڑدہی ہم کریر‘ وزیراعظم ءِ پاننگا کہ مچ آضلع نا گرلز کالج آتا نمائندہ فورم ہند آتے ٹی نت بشخ وپانٹ کننگ اٹ مون مون اٹی ءِ۔ وزیراعظم قوم انامسن تا دا خیر انا کاریم اٹ بشخ ہلنگ نا ستاءِ کرے و پارے کہ گزلز گائیڈ ایسوسی ایشن ڈیرہ غازی خان نا مسن تے غازی یونیورسٹی مفت نت تننگ نا ہند اٹ الس و انتظامیہ تون کمک کننگ آ خننگ آ است خوش مسنے‘ طالب علمی نا دور اٹ ورناتے ٹی الس نا خذمت نا جوزہ اسہ گچین و ستا کڑزوک ءُ گام اسے۔ داکان پد وزیراعظم مظفر گڑھ اٹ مفت نت انا تھیلہ بشخ وپانٹ کرے و مخلوق نا ویل آتے خف تورے۔ وزیراعظم مفت نت ہند انا دورہ ءِ ہم کرے‘اودے کمامدار آتا کنڈآن نت بشخ وپانٹ کننگ و جم کچ انا بارو اٹ بریفنگ تننگا۔ وزیراعظم مظفر گڑھ انتظامیہ نا گام گیج آتا ستاءِ کرے۔
(آن لائن)