سیل و سوات نا بشخ انا شونداری بلوچستان نا زرگزران اٹی اہم ءُ کڑد اس ادا کننگ کیک

وزیراعلیٰ بلوچستان جام کمال خان پارینے کہ سیل و سوات نا بشخ انا شونداری بلوچستان نا زرگزران اٹی اہم ءُ کڑد اس ادا کننگ کیک۔ صوبہ نا زیبا و یکتا انگا کرک و مش و جبل نا ہند آتے گچین سیل سواتی ہند انا وڑ اٹ دنیا ٹی درستی راستی کرفنگ نا گرج ءِ۔ سیل سوات نا شونداری کن جامع پالیسی اس جوڑ کننگانے، دا ہیت آتا درشانی ءِ او زیارت ویلی ڈویلپمنٹ پراجیکٹ نا جاچ دیوان نا وخت آ کرے۔ ایڈیشنل چیف سیکرٹری ڈٹ بندی و شونداری عبدالرحمان بزدار اسک ہم دیوان اٹ ساڑی ئسر۔ پراجیکٹ ڈائیریکٹر زیارت ٹاو¿ن نا جم شونداری نا ماسٹر پلان سیل سواتی ہند انا شونداری و پوسکن آ ہند آتا ٹہیفنگ نا بابت بریفنگ تس۔ یات سلے کہ زیارت شونداری پیکیج کن بنجائی حکومت ارب روپئی، وخت اس کہ صوبائی حکومت 250 ملین روپئی جتا کرینے۔ وزیراعلیٰ پارت کرینے کہ زیارت ءِ سمارٹ سٹی نا وڑ اٹ شون ترسا سیل و سوات نا چکار

(خ ن)