زرگزرانی و السی ویل آتے مون آ تخسا لاک ڈاﺅن اٹ کمتی کرین، عمران خان

0

Get real time updates directly on you device, subscribe now.

اسلام آباد : مچ آ ملک اٹ لاک ڈاو¿ن اٹی کمتی نا بابت فیصلہ غا عملدرآمد نا جاچ ءِ ہلنگ کن وزیراعظم عمران خان نا کماشی ٹی دیوان اس مس۔ اسلام آباد اٹی مروک دیوان اٹی بنجائی وزیرک، اسد عمر، حماد اظہر، شبلی فراز، خسرو بختیار و خزانہ سلاہکار عبدالحفیظ شیخ و واپار سلاہکار عبدالرزاق داو¿د تون اوار ایلو کمامدار آک ہم ساڑی ئسر۔ دیوان اٹی وزیراعظم ءِ کورونا نا جم حالیت آ بریفنگ تننگا، و نیشنل کمانڈ اینڈ آپریشن سینٹر (این سی او سی) نا حساب کتاب آتیان معلومدار کننگا۔ دا وخت آ وزیراعظم نا خصوصی قومی سلامتی کمکار معید یوسف پیشن ملک آن پاکستانی تے پدی اتنگ نا بابت بریفنگ تِس۔ حوالی تا رد اٹ دیوان اٹی لاک ڈاو¿ن نا بابت فیصلہ غاتیا عملدرآمد نا جاچءِ ہلنگا، و کورونا وائرس نا تالانی ءِ توننگ نا جاچ ءِ ہلنگا۔ دا وخت آ وزیراعظم عمران خان پارے کہ وینٹی لیٹر آتا گچین کاریم اٹ اتنگ و اوفتا آسانی اٹ دوئی مننگ کن سوگو ءُ حکمت عملی اس جوڑ کننگے۔ او پارے کہ زرگزرانی حالیت، الس نا ویل و ایلو ملک آتا حالیت ءِ مون آ تخسا لاک ڈاو¿ن اٹی کمتی اتنگا۔ لاک ڈاو¿ن اٹی کمتی کرین کہ زرگزرانی سرجز و رکھی گام گیج آتا نیام اٹ بریبری اس برجا تخنگے۔ وزیراعظم پارے کہ جہانی وڑ اٹ دا ہیت انا درک کننگ انگ ءِ کہ لاک ڈاﺅن کورونا نا برخلاف وختی ءُ عمل اسے، کورونا غان بچنگ کن رکھی گام گیج آتے ہچ گہس گوجالنگپ۔ عمران خان پارت کرے کہ کورونا نا ٹیسٹ انا بابت بھاز آ تپہ غاک گڑتی درشان کرینو، اوفتے اینک کننگے۔ الس نا راہشونی ءِ کہ او تینٹ علامت آتا خننگ انگ آ ٹیسٹ کرفر، اُرا ٹی کورنٹائن مننگ نا بابت مخلوق ءِ معلومداری فراوان کننگے، یات سلے کہ پاکستان اٹی کورونا غان زہمی بندغ آتا کچ 31 ہزار آن گدرینگانے، وخت اس کہ 679 بندغ زوال مسنو۔ کورونا وائرس نا گڑتی ءِ مون آ تخسا لاک ڈاﺅن اٹی کروک کمتی آن پد ملک انا بھلا شار تیٹی کم و وَد 50 دنو آن بند دکان و چنکا پوریاجاک ملنگانو۔

Get real time updates directly on you device, subscribe now.

Leave A Reply

Your email address will not be published.