پاک ایران بارڈر آ شہیدمروک سیکورٹی کارندہ غاک جہہ و جاگہ
نماز جنازہ ٹی بڑزکو کہولی حاضر سروس و ریٹائرڈ فوجی افسر، سولجر، شہید آتا تینائیک بشخ ہلکر
Get real time updates directly on you device, subscribe now.
راولپنڈی : پاک ایران بارڈر آ بلوچستان نا ضلع کیچ اٹ ایرانی سیم انا ایپار آن دہشت گرد آتا جلہو اٹ شہید مروک 4 سکیورٹی کارندہ غاتا نماز جنازہ ءِ اوفتا باوہ پیرہ ئی علاقہ غاتے ٹی خواننگا‘ وخت اس کہ شہید آتے پورو فوجی اعزاز اٹ جہہ وجاگہ کننگا۔ پاک فوج انا شعبہ تعلقات عامہ (آئی ایس پی آر) نا رد اٹ ائیک شیر احمد نا نما جنازہ ءِ کہراڑ بزدار تونسہ، نائیک محمد اصغر نا نماز جنازہ ءِ کوٹ ادو، سپاہی نرسنگ عبدالرشید نا نماز جنازہ صحبت پور و سپاہی محمد عرفان نا نماز جنازہ ڈیرہ غازی خان اٹ خواننگا۔ نماز جنازہ ٹی بھلا حاضر سروس و ریٹائرڈ فوجی افسر، سولجر و زند انا چندی بشخ آتیان تعلقدار بندغ و شہید آتا تینائیک بشخ ہلکر۔ آئی ایس پی آر نا رد اٹ شہید آتے پورو فوجی اعزاز اٹ جہہ وجاگہ کننگا۔ آئی ایس پی آرنا رد اٹ پاکستان نا سلہہ بند فوج امر کہ مرے دہشت گردی نا لعنت نا چٹفنگ کن مخ تفوک سلوک ءِ‘دا قربانیک دہشت گرد آتا برخلاف عزم ءِ پین سوگو کیرہ‘ آخبت نا چین اکن پرامن پاکستان فراوان کننگ کن دا عزم برجا سلک۔ یات سلے کہ بلوچستان نا ضلع کیچ انا علاقہ جلگئی سیکٹر اٹ ایرانی سیم انا ایپار آن دہشت گرد آک جلہو کریر ہراٹی چار سکیورٹی کارندہ شہید مسوسر۔
(آن لائن)