اصطلاحات نثر 31

تحریک:۔ (Encouragement/ Movement)

تحریک نا لغوی معنہ سرفنگ، مچیفنگ، جہد کوشست کننگ، ہیت کشنگ یا بنا کننگ، اسہ جا مرسا قرارداد یا گڑاس سلاہ تننگ ءِ۔

اصطلاحی وڑ اٹ ادب اٹی خاص انگا نظریہ، نقطہ نظر، فکر و پام، یا تصور اسے کن نوشتوک آتا اسہ جا اوار مرسا تخلیقی وڑ اٹی درشانی کننگ تحریک پاننگک۔ 

”تحریک اسے تون گنڈوک بندغ آک و ادیب آتا اسہ کڑدہ و فن انا نظریہ یا زند اسے نا تصور اوفتے اسہ خاص ءُ وڑ اسے ٹی ادب و فن انا تخلیق کن امنا کرفک۔“ (کمال، 2017ء، 119)

تحریک یا تحریک آک اسہ خاص ءُ مسخت اسے نا کیرغ آن بنا کیرہ، یا مننگ کیرہ، تحریک آک سیاسی، راجی، مذہبی ءُ ادبی مریرہ۔ 

ادبی تحریک آک پوسکن آ رجحان و اونا گرج آتا خواست انا رد اٹ بنا کیرہ۔ ڈاکٹر سلیم اختر نا پاننگ نا رد اٹ:

”کسی مخصوص علمی نظام فکر، سیاسی تصور یا نظریہ حیات کی ہمنوائی میں متعدد اہل قلم کی سوچ کی تشکیل اور پھر اس کا تخلیقی اظہار تحریک کا سیاسی مفہوم بھی ہے، اور ادبی تنقید بھی ہے جو اجتماعی صورتحال سے متاثر ہوتی ہے اور اسے تبدیل بھی کر سکتی ہے۔ اس لئے کہ تحریک کے پیش نگاہ، مستقبل بھی ہوتا ہے۔ حال کے تناظر میں مستقبل کی تعمیر نو تحریک کے مقاصد خاص ہوتے ہیں، جن کے حصول کے لئے فکری، علمی اور تخلیقی سطح پر کوشش کی جاتی ہے۔“ (اختر، 2019ء، 74)

تحریک آتا بنداوی مسخت ہم ہندا مریک کہ او سیاسی راجی و ادبی پڑ تیا گچینی نا بدلی نا سوب آن جوڑ مریرہ۔ تحریک آک مدام پوسکن ءُ فکری نظام اسے ٹی پوسکن ءُ خیال و پام مون آ ایسنو۔ ہرا سوچ آتے بدل کرینو۔ دافتے مدام جوان تکنگانے، دن کہ ادبی پڑ آ شانزدہمیکو کرن اٹی ”احیائے علوم“ نا تحریک، ہرادے نشاۃ ثانیہ ہم پاننگک۔ ہودہمیکو کرن اٹی ”کلاسیکیت“ نا تحریک، ہژدہمیکو کرن اٹی ”رومانیت“ نا تحریک، نوزدہمیکو کرن اٹی ”جدیدیت“ نا تحریک۔ بیستمیکو کرن اٹی ”بنیاد پرستی، روسی ہیئت پسندی، ساختیات“ نا تحریک۔ پوسکن آ تنقید، ترقی پسند تحریک و ایلو تحریک آک مون آ بسر۔

…………

کتاب آک:

اختر، سلیم، (2019)، ”تنقیدی اصطلاحات“ سنگ میل لاہور

کمال، محمد اشرف، (2017)، ”اصطلاحات“، بک ٹائم اردو بازار کراچی

ہفتئی تلار

تاک: 34

05 September 2020

پنہ، 5