ملک اٹ کورونا کیس آتا کل کچ 2لکھ 43 ہزار آن گدرینگا

اسلام آباد( آن لائن ) مچ آ ملک اٹ کورونا کیس آتا کل کچ 2 لکھ 43 ہزار وخت اس کہ کہوک آتا کچ 5 ہزار آن گدرینگا۔ 24 گھنٹہ غاتیٹی پین 2751 کیس رپورٹ مسر مچ آ ملک اٹ کورونا وائرس کیس آتا کچ 2 لکھ 43 ہزار آن زیات مس۔ صوبہ سندھ اٹ کورونا وائرس کیس آک بے کنٹرول مسر، کچ اسہ لکھ 900 اسکان سر مس۔ مچ آ ملک اٹ کورونا آن کہوک آتا کچ 5 ہزار آن گدرینگسا نیشنل کمانڈ اینڈ آپریشن سینٹر نا رداٹ 24 گھنٹہ غاتےٹی پین 2751 کیس رپورٹ مننگ آن مچ آ ملک اٹ کورونا کیس آتا کل کچ 2 لکھ 43 ہزار آن گدرینگا۔ 24 گھنٹہ غاتیٹی کورونا نا پین 75 ناجوڑ تپاخت کریر۔ کمانڈ اینڈ آپریشن سینٹر نا رداٹ پنجاب اٹ کورونا کیس آتا کچ 85 ہزار آن زیات، کے پی کے ٹی 28406، اسلام آباد اٹ 13829، بلوچستان اٹ 11099، گلگت اٹ 1619 و آزاد کشمیر اٹ 1485 مسر۔ این سی او سی نا رداٹ مچ آ ملک اٹ جانجوڑ مروک آتا کچ 1لکھ 49 ہزار آن گدرینگا وخت اس کہ ایکٹو کیس آتا کچ کم مرسا 89 ہزار 449 اسکان سلیس۔ 24 گھنٹہ غاتیٹی پین 23255 کروک آتیان 15 لکھ 24 ہزار آن زیات ٹیسٹ کننگانے مچ آ ملک اٹ کورونا نا 420 ناجوڑ وینٹی لیٹر آٹ ءُ۔