ڈی سی قلات نا گورنمنٹ گرلز ہائیر سیکنڈری اسکول قلات نا دورہ

قلات، ڈپٹی کمشنر قلات انجینئر عائشہ زہری ڈسٹرکٹ ایجوکیشن آفیسر نثار احمد نورزئی تون اوار گورنمنٹ گرلز ہائیر سیکنڈری اسکول قلات نا دورہ ءِ کرے، ہراڑے ہیڈ مسٹریس یاسمین شاہوانی اودے اسکول اٹی دوئی تعلیمی آسراتی، مون تروک آ ویل و ایلو باندات آتیا جم بریفنگ تس۔ دا وخت آ ڈپٹی کمشنر اسکول نا نزور کمرہ غاتا دورہ ءِ ہم کرے۔ ڈپٹی کمشنر انجینئر عائشہ زہری اسکول اٹی جوڑ محکمہ تعلیم نا بک اسٹور نا ہم دورہ ءِ کرے و ہموڑے ساڑی آسراتی تا جاچ ءِ ہلک‘ ڈپٹی کمشنر اسکول نا نزور کمرہ غاتا جوڑجاڑ، بک اسٹور نا ودفنگ و مسڑ طالب علم آتا تعلیمی گرج آتے مون آ تخسا پوسکن کمرہ غاتا تفنگ کن سوگو گام گیج کننگ نا باوری کرفے۔ ڈپٹی کمشنر انجینئر عائشہ زہری پارے کہ تعلیم نا بشخ اٹی گچینی اتنگ و تعلیمی ادارہ غاتے مون تروک آ ویل آتا ایسری ضلعی انتظامیہ نا اولیت آتیٹی اوار ءِ۔