حکومت ورنا تے واکدار کننگ و پوسکنوڑ ٹیکنالوجی تون ہم گرنچ کننگ ءِ،وزیراعظم شہباز شریف

اسلام آباد، بنجائی وزارت تعلیم و گوتھ اے آئی نا نیام اٹی مفاہمتی یادداشت نا ہل وتس کننگا‘ ہراٹی گوتھ اے آئی پاکستانی استاد آتیکن چار ہزار فری پریمیم سبسکرپشنز فراوان کننگ نا پڑو کرینے۔ پاکستان اٹی تعلیم نا بشخ اٹی اے آئی نا کاریم اٹ اتنگ و پوسکن وڑ تعلیمی آسراتی تا شون تننگ کن بنجائی وزارت تعلیم و گوتھ اے آئی نا نیام اٹی مفاہمتی یادداشت آ دستخط نا دود اڈ ہلک، ہراٹی وزیراعظم شہباز شریف خاص وڑ اٹ بشخ ہلک۔ وزیراعظم شہباز شریف پارے کہ حکومت ورنا تے واکدار کننگ و پوسکنوڑ ٹیکنالوجی آن فائدہ ہرفنگ کن سنبرینگوک ءِ، طالب آتا تعلیم و لائخی تے مون آ اتنگ کن کل المی وسیلہ غاتے فراوان کننگک۔ وزیراعظم پارے کہ تعلیمی ادارہ غاتیٹی طالب علم آتے کنشت، ہنکین، مفت یونیفارم و پوسکن آ تعلیمی آسراتیک فراوان کننگ انگ ءُ، دانش اسکولز آب اٹنگا تعلیم نا شون تننگ و تعلیمی انقلاب اتنگ نا پبی بود تخک، دانش اسکول آتا تفنگ اٹی آب آ خصوصی چکار کننگے۔ شہباز شریف پارے کہ پوسکنوڑ تدریسی وڑ و ڈول انا کمک اٹ تعلیمی بشخ اٹی پین گچینی نا وارخواہی تے پٹنگک، گوتھ اے آئی نا کنڈ آن پاکستان کن چار ہزار مفت سبسکرپشنز نا فراوانی ستا کڑزک۔ وزیراعظم پارے کہ گوتھ اے آئی تون دا شریداری پاکستان نا شونداری و شونہالی ٹی اہم کڑد ادا کیک، وخت اس کہ دا گام گیج آن طالب علم‘ استاد و ورنا چین اکن شونداری نا بے کچ وارخواہی ودی مریک۔