سعودی عرب نا وتواجہی و سلامتی نا دفاع پاکستان نا اولیت آتیٹی اوار ءِ،ڈی جی آئی ایس پی آر

اسلام آباد، پاک فوج انا شعبہ تعلقاتِ عامہ (آئی ایس پی آر) نا ڈائریکٹر جنرل لیفٹیننٹ جنرل احمد شریف چوہدری پیدوار کرینے کہ سعودی عرب نا وتواجہی، علاقائی سالمیت و خاص وڑ اٹ حرمین شریفین نا رکھ پاکستان کن اولیکو اولیت اٹی اوار ءِ، دا باندات آ ہچ ءُ سمجھوتہ اس کننگپک۔ سعودی عرب اٹی مقدس ہند آتیا جلہو تا بابت پاکستانی الس، سیاسی سرکڑدہ و عسکری سرکڑدہ غاتا گڑتی و خارک اریر۔ وخت اس کہ پاکستان نا موقف اسُل پاش و پیدوار ءِ۔ نیامی دے ٹک اٹی برجا فوجی جھیڑہ ءِ پین تالان کننگ نا جاگہ غا مذاکرات نا کمک اٹ امنائی ایسری اسکان سرمننگ المی ءِ، انتئے کہ بے چیٹی ٹی ودکی آن اسہ ملک اسے ہم فائدہ مفک۔ ڈی جی آئی ایس پی آر انڈیپنڈنٹ عربیہ ءِ خصوصی انٹرویو ترسا پارے کہ سعودی عرب نا سلامتی و حرمین شریفین نا رکھ پاکستان کن بھاز اہمیت تخک۔ دا رد اٹ پاکستان نا کلہو سیاسی سرکڑدہ و فیلڈ مارشل نا کمک اٹ بھاز مہالو مون آ بسنے، ہراٹی سعودی عرب نا وتواجہی و مقدس ہند آتا رکھ انا بابت پاکستان نا پیدوار ارادگی نا درشانی کننگاسس۔ لیفٹیننٹ جنرل احمد شریف چوہدری پارے کہ مقدس ہند آتا سلامتی اسہ ہندن ءُ باندات اسے ہراڑا پاکستان نا موقف پیدوار ءِ۔ سعودی عرب نا علاقائی سالمیت و حرمین شریفین نا رکھ انا پک کننگ پاکستان کن بنداوی اہمیت تخک، وخت اس کہ دا نازرک باندات آ پاکستانی الس و سرکڑدہ غاک جوزہ غاک ہم پاش ءُ۔ نیامی دے ٹک نا حالیت آتیا گپ و تران کرسا ڈی جی آئی ایس پی آر پارے کہ جھیڑہ غاتے اسہ کہول اسے آ ہم ودفنگ کس انا فائدہ ٹی اف۔ ڈیہہ اٹی فوجی بے چیٹی ٹی ودکی نا جاگہ غا مذاکرات و سفارتی کوشست آتے بایدے وارخواہی تننگے تاکہ ہمو چک وتاڑ آن بچنگ مرے ہرانا زہم مچ آ ڈیہہ ءِ تینا پلویڑ اٹی ہلنگ کیک۔ او پارے کہ مذاکرات نا کمک اٹ ایسری نا پٹ و پول اٹی بے سہبی و فوجی جھیڑہ نا حالیت اٹی مکہ الائنس نا جم ڈیٹرنس پک ءِ کہ حرکت اٹی بریک۔ وخت اس کہ مکہ الائنس نا سرکڑدہ و لائحہ عمل پیدوار ءِ و دا سیوت نا ہچ ءُ جھیڑہ ئی ارادہ اس اف۔ ڈی جی آئی ایس پی آر دا ہیت آ زور شاغا کہ سیوت اسے نا مسخت ڈیہہ اٹی بے چیٹی ءِ ودفنگ آخا بلکہ امن، سوگوی و سلامتی ءِ مونی دننگ بایدے مرے۔ او پارے کہ ساڑی حالیت آتیٹی ہشاری نا خواست دادے کہ کل تعلقدار فریق آک مذاکرات آ چکار کیر۔