چاغی، انٹر کلاسز کرکٹ ٹورنامنٹ ڈسٹرکٹ چاغی 2026ء نا فائنل
Get real time updates directly on you device, subscribe now.
چاغی، پی سی بی نا کنڈآن اڈ ہلوک انٹر کلاسز کرکٹ ٹورنامنٹ ڈسٹرکٹ چاغی 2026ء نا فائنل میچ سخت مقابلہ غان پد سرترسا چمپین جوڑ مروک ٹیم انا اعصاب شکن و تاریخی معرکہ نا خوشی ٹی اسکول انتظامیہ نا کنڈ آن اسہ دود اس اڈہلک‘ دود اٹ اسکول نا وائس پرنسپل سید ذاکر حسین شاہ و ایلو استاد آک فائنل معرکہ ٹی سرسہبی نا گچین حکمت عملی ترتیب تننگ آ ٹیم انا ہیڈ کوچ خلیل خادم و اسسٹنٹ کوچ مولوی حماداللہ ءِ گچین لوز آتیٹی خراجِ تحسین پیش کریر۔ دا وخت آ وائس پرنسپل سید ذاکر حسین شاہ و استاد آک ہیڈ کوچ خلیل خادم و اسسٹنٹ کوچ مولوی حماداللہ ءِ روایتی جوش و جوزہ اٹ پھل انا ہار بیرفیر و چمپین مننگ نا خوشی ٹی اسہ ایلو ءِ مٹھائی کنفیر۔ دا وخت آ وائس پرنسپل تران کرسا پارے کہ: ”ٹیم انا دا تاریخی سرسہبی کوچ آتا بے کچ خواری، گچین ہیلکاری و گوازی گر تا تین پہ تینی اسیجائی نا بھرم ءِ۔ ننا استاد و کوچ آک ہرا خواری اٹ دا طالب علم آتا لائخی تے مون آ ایسر او ستاکڑزک۔ دود اٹی ساڑی ایلو استاد آک ہم سرسہب ٹیم ءِ مبارکبادی تسر۔ (نامہ نگار)