کشاری انکم ٹیکس ہلنگ نا عمل ءِ شفاف جوڑ کننگے، عائشہ زہری

0

Get real time updates directly on you device, subscribe now.

قلات، ڈپٹی کمشنر انجینئر عائشہ زہری نا کماشی ٹی ریونیو اسٹاف نا اہم ءُ دیوان اس اڈ ہلک۔ دیوان اٹی تحصیلدار قلات، تحصیلدار خالق آباد، محاسب، قانون گو قلات و خالق آباد و ہڑتوم آ تحصیل تا پٹواریک بشخ ہلکر۔ دیوان اٹی کشاری انکم ٹیکس ہلنگ‘ ریونیو ریکارڈر نا درستی، درخواست گزار آتے مون تروک ویل آتا ایسری، سرکاری باندات آتا وخت آ پوروی و ایلو تعلقدار باندات آتیا جم گپ وتران کننگا۔ دا وخت آ ڈپٹی کمشنر انجینئر عائشہ زہری پارے کہ ریونیو ڈیپارٹمنٹ الس و ضلعی انتظامیہ نا نیام اٹی اہم ءُ رابطہ نا وڑ اسے‘ ریونیو ریکارڈر نا درستی، شفافیت و السی غاو تا وخت آ ایسری ننا اولیکو اولیت آتیٹی اوار ءِ۔ کل ریونیو افسر و کارندہ غاک تینا زمواری تے ایمانداری، خواری و کسبی جوزہ اٹ سرایتر و سوالی تا ویل آتے اولیتی بنداو تیا ایسر کیر۔ او مستی پارے کہ کشاری انکم ٹیکس ہلنگ نا عمل ءِ بھرمی و شفاف جوڑ کننگے وخت اس کہ ریونیو ریکارڈر نا وخت آ پوروی و درستی ءِ پک کننگے۔ دا رد اٹ ہچ وڑ انا ڈیوالئی یا بے پرواہی سگنگ مفک۔

Get real time updates directly on you device, subscribe now.

Leave A Reply

Your email address will not be published.