یاسین بلوچ نظریاتی جہد انا پڑ آ سوبر ءُ توار اس ئس، رحمت بلوچ

کوئٹہ، نیشنل پارٹی نا بنجائی راہشون و بلوچستان اسمبلی ٹی ڈپٹی پارلیمانی لیڈر میر رحمت صالح بلوچ پارٹی نا بانی راہشون و مسکوہی بنجائی سیکرٹری جنرل شہید ڈاکٹر یاسین بلوچ نا کزیہ دے آ اودے خراجِ عقیدت پیش کرسا پارینے کہ شہید ڈاکٹر یاسین بلوچ بیرہ اسہ سیاسی راہشون اس آخا بلکہ بلوچ قومی سیاست اٹی جمہوری، ترقی پسند و نظریاتی جہد نا اسہ سوگو ءُ توار اس ئس، ہرا تینا مچ آ زند ءِ بلوچ قوم انا قومی و سیاسی حق، کرک و وسیلہ غاتیا واکداری، السی بالادستی و جمہوری اقدار تا شون اکن تسوسس۔ او پارے کہ شہید ڈاکٹر یاسین بلوچ سخت سیاسی حالیت آتیٹی ہم تینا نظریہ غا سمجھوتہ کتو و مدام آئینی، سیاسی و جمہوری جہد ءِ بلوچ قومی ویل آتا ایسری نا بھرمی کسر گوندا۔