سفا چاگڑد ہر شاری نا حق ءِ، نور احمد پرکانی
Get real time updates directly on you device, subscribe now.
کوئٹہ، سیکرٹری محکمہ موسمیاتی بدلی و چاگڑد، حکومت بلوچستان، نور احمد پرکانی نا کماشی ٹی بلوچستان انوائرنمنٹل پروٹیکشن ایجنسی (بیپا) نا چارمیکو کارکڑد جاچ دیوان بیپا ہیڈ آفس کوئٹہ ٹی اڈ ہلک، ہراٹی ادارہ نا کارکڑد، چاگڑدی چیلنج و السی جانجوڑی نا رکھ اکن برجا گام گیج آتا جم جاچ ءِ ہلنگا۔ دیوان اٹ ڈپٹی سیکرٹری لیاقت علی، ڈائریکٹر ایڈمن، فنانس و انفورسمنٹ محمد علی سمالانی، ڈائریکٹر ٹیکنیکل و کلائمیٹ چینج سیل تاج محمد کاکڑ، ڈپٹی ڈائریکٹر آگاہی محمد علی کاکڑ، ڈپٹی ڈائریکٹر انفورسمنٹ محبوب علی عیسیٰ زئی، ڈپٹی ڈائریکٹر ایڈمن و فنانس ریاض احمد بزدار، ڈپٹی ڈائریکٹر IEE&EIA سعادت، اسسٹنٹ ڈائریکٹر مبین و ایلو تعلقدار افسرآک بشخ ہلکر۔ سیکرٹری ریونیو ہلنگ‘ محکمانہ ترقی، خورک آسامی، کانودی مقدمہ و شونداری ڈٹ آتیا پیشرفت نا جاچ ءِ ہلسا بست و بندی باندات آتا وخت آ پوروی آ زور شاغا۔ کانود آن چَپ کرش پلانٹ آتا برخلاف کارروائی، صنعتی گڑد‘ ہسپتال آتا طبی کھدکتر و سیوریج نا خراب دیر آن سوزی دسنگ کون آ بھلا ویل آتیا خصوصی چکار کننگا۔