شہید آتا قربانی کشمیری الس نا تاریخ نا گیرام مفروک ءُ بشخ اسے، امیر مقام

اسلام آباد، بنجائی وزیر کشمیر و گلگت بلتستان باندات انجینئر امیر مقام جموں نا شہید آتے خراج عقیدت پیش کرسا پارینے کہ جموں نا شہید آتا دے ہموکشمیری تے یات کننگ نا دے ءِ ہراپاکستان نا مہرومریبت اٹی شہید مسر، جموں نا شہید آتا قربانی کشمیری الس نا تاریخ نا است آن گیرام کپروک بشخ اسے، کشمیری شہید آک تینا حق خودارادیت کن بھاز قربانی تسنو۔ جمعہ نادے وزارت کشمیر باندات نا کنڈآن جاری بیان نا رداٹ بنجائی وزیر پارے کہ پاکستانی قوم جموں نا شہید آتا عظیم قربانی تے مدام یات تخک، جموں نا شہید آتا قربانی بروک آ چین تیکن کسر نا ڈیوا ءِ، پاکستان کشمیری الس نا سیاسی، اخلاقی و سفارتی مخ تفی ءِ برجا تخک۔ انجینئر امیر مقام پارے کہ جموں نا شہید آتا دے جموں ننے کشمیری الس نا قربانی و جہد انا یات ترفک، کشمیر نا ویل انا انصاف اٹ ایسری ڈیہہ اٹی مدامگی امن کن المی ءِ۔