وزیراعظم شہباز شریف دسمبر نا اولیکو ہفتہ ٹی روس انا سرکاری دورہ ءِ کیک

اسلام آباد، وزیراعظم شہباز شریف دسمبر نا اولیکو ہفتہ ٹی روس انا سرکاری دورہ ءِ کیک‘ ہرانا تیاری تا جاچ ءِ ہلنگ کن دیوان اس وزیراعظم نا کماشی ٹی اڈ ہلک۔ حوالی نار د اٹ وزیراعظم نا دورہ روس انا وخت آ پاکستان نا اسہ بھلو واپاری ڈل اس ہم اوڑتون اوار ماسکو آ کاہک‘ دورہ نا اہم مسخت ہڑتوم آ ملک آتا نیام اٹی واپاری و اقتصادی تعلقداری تے پین شون تننگ نا گمان آ گپ وتران کننگ ءِ‘ حوالی نا رد اٹ وزیراعظم شہباز شریف تینا روس انا دورہ ٹی اسیجائی بزنس فورم آن تران کیک‘ ہراٹی ہڑتوم آ ملک آتا واپاری و کاروباری بشخ آتتون تعلقدار نمائندہ غاتا بشخ ہلنگ نا گمان ارے‘ دورہ نا وخت آ وزیراعظم شہباز شریف نا روسی صدر ولادیمیر پیوٹن تون اوڑدہی ہم کیک۔