اسسٹنٹ کمشنر اورماڑہ ڈاکٹر ماہ نور برکت نا خلق ہڈ انا دورہ

اورماڑہ، اسسٹنٹ کمشنر اورماڑہ ڈاکٹر ماہ نور برکت خلق ہڈ انا دورہ ءِ کرے، ہراڑے او جانجوڑی نا بنداوی ہند و گورنمنٹ بوائز مڈل اسکول ہڈ انا دورہ ءِ کرے ہراڑے او ہڑتوم آ ادارہ غاتیٹی کارندہ غاتا حاضری، دوئی بنداوی آسراتی، طبی خذمت آتا فراوانی، تدریسی سرجز و جم انتظامی باندات آتا جم جاچ ءِ ہلک۔ او تعلقدار کارندہ غاتا حاضری و ادارہ غاتا فعالیت نا جاچ ءِ ہلسا الس ءِ آب اٹو طبی آسراتی و طالب علم آتے گچین تعلیمی چاگڑد نا فراوانی نا اہمیت آ زور شاغا۔ اسسٹنٹ کمشنر پارینے کہ مُر انگا علاقہ غاتیٹی جانجوڑی و تعلیم نا سرکاری ادارہ غاتا باقاعدہ چاروکی، خذمت آتا گچینی و السی آسودہی کن گام گیج آتا ریسہ برجا تخنگک۔