مکہ اٹی حوثی تا ڈرون جلہو بے سہب جوڑ کننگا، سعودی سیوتی فوج

جدہ، سعودی عرب نا مقدس شار مکہ نا علاقہ ٹی حوثی تا کنڈ آن ڈرون جلہو نا کوشست بے سہب کننگا۔ زوت آتیٹ سعودی عرب آ حوثی جنگوڑو آتا جلہو آتیٹی ترندی بسنے، تدوک آ ہفتہ دمام نا کنگ فہد انٹرنیشنل ایئرپورٹ و شیبہ آئل فیلڈ ءِ شست کننگاسس ہرانا سوب آن 4 بندغ وخت اس کہ ریاض ایئرپورٹ آ ساڑی تُو اٹی 20 جلہو آتا سوب آن 17 بندغ زوال و درزن نا کچ ٹھپی مسنو۔ سعودی سرکڑدہی ٹی سیوتی فورس آک تینا جاری کروک بیان اٹ پک کرینو کہ حوثی تا کنڈ آن مکہ نا علاقہ ٹی راہی کروک ڈرون ءِ تورسا بھس کننگا۔ حوثی جلہو تا سوب آن جہانی منڈی ٹی خام تیل انا نہاد آک دوارہ ودانو۔ دا واقعہ سعودی عرب آ حوثی تا سیمی جلہو تا ریسہ نا کڑی اسے۔