قطری خیرخواہک ولدا تہران آ سر مسر، معاہدہ نا خڑک مننگ نا دعویٰ

تہران، قطری خیرخواہک اسہ وار ولدا تہران آ سر مسنو تاکہ واشنگٹن و تہران نا نیام اٹی پک معاہدہ نا کسر ءِ آوار کننگ مرے، وخت اس کہ ارٹمیکو کنڈ آ امریکی کمامدار آک دعویٰ کرینو کہ ہڑتوم آ ملک آک معاہدہ نا ’بھاز خڑک‘ سرمسنو‘ مذاکرات آن باخبر اسہ بڑزکو کمامدار اس درملکی خبر رساں ادارہ ریوٹرز ءِ پارے کہ قطری خیرخواہ تا دا دورہ امریکی کمامدار آتا رضامندی و سلابت اٹ مننگ اٹی ءِ‘ داکان مست قطر ایران ءِ اسہ امن مسودہ اس پیش کریسس‘ ولے اسہ سینئر ایرانی کمامدار اس بنائی سلاہ تے امنا کپروک گوندسا پیدوار کریسس کہ تہران تینا موقف آن پدی مفک۔ معاہدہ کن ہڑتوم آ فریق آتا اولیت آک جتا ءُ؛ واشنگٹن آبنائے ہرمز نا بحالی ءِ مذاکرات نا ایجنڈا ٹی اوار کننگ آ سلوک ءِ۔