ڈپٹی کمشنر کوئٹہ نا کماشی ٹی پولیو مہم نا انتظامات و تیاریاں تا جاچ ہلنگ کن اہم دیوان اس اڈ ہلک

کوئٹہ، ڈپٹی کمشنر کوئٹہ مہراللہ بادینی نا کماشی ٹی 2 نومبر آن بنا کروک پولیو تور مہم نا بست وبند و تیاری تا جاچ ہلنگ کن اہم دیوان اس اڈ ہلک، ہراٹی ڈسٹرکٹ ہیلتھ آفیسر (ڈی ایچ او)، نیشنل ای او سی، ڈسٹرکٹ کوآرڈینیٹر و ایلو تعلقدار کمامدار آک بشخ ہلکر۔ دیوان اٹی پولیو مہم نا جم ہدف‘ سیکورٹی بست وبند و مائیکرو پلان، ٹیم تا تعیناتی و مہم نا گچین چاروکی نا بابت جم بریفنگ تننگا۔ کمامدار آک پاریر کہ مہم اٹ کوئٹہ ٹی جم وڑ اٹ 4 لکھ 29 ہزار چنا ءِ پولیو آن بچفنگ نا پڑی کنفنگ نا ہدف پک کننگانے، ہراڑکن 1ہزار600 پولیو ٹیم ٹہیفنگانو، وخت اس کہ مہم اٹ ٹیم تا سیکورٹی کن 1ہزار800 سیکورٹی کارندہ تعینات کننگرہ۔