مل اٹی سالانہ اسپورٹس ویک فٹبال نا فائنل میچ ءِ زاہد الیون کٹا
Get real time updates directly on you device, subscribe now.
مل، گورنمنٹ بوائز ہائی اسکول روستم مل اٹی سالانہ اسپورٹس ویک فٹبال نا فائنل میچ جنید الیون و زاہد الیون نا ٹیم تا نیام اٹی گوازی کننگا، میچ انا اولیکو ہاف اٹی ہچ ءُ ٹیم اس گول اسکور کننگ اٹی سرسہب متو، میچ انا ارٹمیکو ہاف انا گڈیکو ساہت آتیٹی زاہد الیون نا گوازی گر ارسلان گول کرسا تینا ٹیم ءِ صفر نا مقابلہ ٹی اسہ گول انا برتری تس ہرا اخیر اسکان برجا سلیس‘ دا وڑ فٹبال نا فائنل میچ ءِ زاہد الیون صفر نا مون اٹ اسہ گول اٹ کٹا۔ محمد عاقل ٹورنامنٹ نا جوان انگا گوازی گر وخت اس کہ محمد ارسلان مین آف دی میچ گوندنگا‘فائنل میچ انا خاص انگا مہمان ہیڈ ماسٹر بوائز ہائی اسکول روستم مل محمد زکریا مینگل ئس ہرا گوازی گر تیٹی انعام بشخا، دا وخت آ اسکول نا استاد، طالب علم و الس نا بھلو کچ اس میچ ءِ ہننگ کن گراؤنڈ اٹی ساڑی ئس۔ (نامہ نگار تلار)