خریف سیزن نا عمل بھاز اہمیت تخک،، خالد خان
Get real time updates directly on you device, subscribe now.
جعفرآباد، ڈپٹی کمشنر جعفرآباد خالد خان پارینے کہ خریف سیزن نا عمل بھاز اہمیت تخک، ہندا سوب آن تعلقدار افسر آک دا عمل ءِ شفاف، جوان و پک کروک قاعدہ و ضابطہ نا رِد اٹ پورو کیر و سرکاری زر آتا ہلنگ ءِ ہر وڑ اٹ پک کننگے دا خیال آتا درشانی ءِ او خریف سیزن نا بننگ نا رد اٹ ضلع جعفرآباد نا جتا علاقہ غاتا دورہ نا وخت آ کرے‘ دا وخت آ تحصیلدار سلطان احمد کھوسہ، بابو رفیق احمد ابڑو تون اوار ایلو تعلقدار افسر آک ہم اوڑتون اوار ئسر۔ دورہ نا وخت آ ڈپٹی کمشنر جتاجتا علاقہ غاتیٹی ڈغار تا دورہ ءِ کرے و خریف سیزن نا فصل آتا جاچ ءِ ہلک۔ تعلقدار افسرآک اودے مچ آ ضلع ٹی دسوک فصل، اوفتا ساڑی حالیت، پیداوار و گردآوری نا عمل تون تعلقدار جم بریفنگ تسر۔