گوادر،محکمہ کشت وکشار حکومت بلوچستان اٹی بھرتی تا رد اٹ کوٹہ نا بنداو آ ضلع گوادر نا لائخ اومیتدار آتے ٹی تقرری نا آرڈر بشخ وپانٹ کننگا

گوادر، محکمہ کشت وکشار حکومت بلوچستان اٹی بھرتی تا رد اٹ کوٹہ نا بنداو آ ضلع گوادر نا لائخ اومیتدار آتے ٹی تقرری نا آرڈر بشخ وپانٹ کننگا‘ دا رد اٹ صوبائی اسمبلی نا باسک مولانا ہدایت الرحمن بلوچ اومیتدوار آتیٹی باقاعدہ تقرری نا آرڈر بشخا‘ داوخت آ ڈپٹی ڈائریکٹر زراعت توسیع مقبول احمد بلوچ، ایگریکلچر آفیسر حاجی امین اللہ، پسنی کوکونٹ فارم نا انچارج وسیم نور و محکمہ کشت وکشار نا ایلو تعلقدار کمامدار آک ہم اوڑتون اوار ئسر۔ تقرری تا عمل ضلعی کوٹہ نا رد اٹ تعلقدار قاعدہ و ضابطہ نا رد اٹ عمل اٹ اتنگا، ہرانا مسخت ضلع گوادر نا لائخ اومیتدار آتے سرکاری ملازمت آتیٹی نمائندگی و روزگار نا وارخواہی فراوان کننگ ءِ‘ دا عمل اٹ میرٹ، علاقائی کوٹہ و پک کروک زالبول کوٹہ ءِ چکار اٹی تخنگانے۔