وزیر اعظم شہباز شریف تون سنگاپور نا وزیرامور خارجہ نا اوڑدہی
Get real time updates directly on you device, subscribe now.
اسلام آباد، وزیراعظم محمد شہباز شریف سنگاپور تون متکن و سنگتی تعلقداری تے پین سوگو کننگ نا پاکستان نا ارادگی نا درشانی ءِ کرسا پارینے کہ پاکستان سنگاپور تون شریداری ءِ ہڑتوم آ کنڈآتا و آسیان نا پلیٹ فارم نا کمک اٹ، کثیر الجہتی کلہو آتیا اہمیت ایتک۔ جمعہ نا دے آوزیراعظم آفس نا میڈیا ونگ آن جاری بیان نا رِد اٹ وزیر اعظم محمد شہباز شریف تون سنگاپور نا وزیرخارجہ باندات ڈاکٹر ویوین بالا کرشنن اوڑدہی کرے۔ وزیر اعظم سنگاپور تون متکن و سنگتی تعلقداری تے پین سوگو کننگ نا پاکستان نا ارادگی نا درشانی ءِ کرے۔ دا سال ہڑتوم آ ملک آک سفارتی تعلقداری تا 60می سال دے ءِ اڈتننگ ءُ۔ وزیر اعظم سنگاپور نا شانی اقتصادی بدلی، جدت و شونداری نا بشخ اٹی دوئی مروک سرسہبی تا ستاءِ کرے۔ او پارے کہ پاکستان سنگاپور تون تینا شریداری ءِ ہڑتوم آ کنڈو آسیان نا پلیٹ فارم نا کمک اٹ، کثیر الجہتی کہول آتیا اہمیت ایتک۔ فریق آک ہڑتوم آ کنڈآتا واپارو زرکاری ءِ ودفنگ و اولیتی بشخ آتیٹی کمکاری ءِ ودفنگ نا وڑوڈول تیا گپ وتران کریر ہرافتے ٹی ڈیجیٹل اکانومی، فن ٹیک، انفراسٹرکچر نا شونداری، لاجسٹکس، چنکا و نیامی درجہ نا کاروبار و سروسز نا بشخ اوار ءُ۔