جامعہ گوادر اٹی ڈیجیٹلائزیشن و آٹومیشن کمیٹی نا اولیکو دیوان

گوادر، جامعہ گوادر اٹی ڈیجیٹلائزیشن و آٹومیشن کمیٹی نا اولیکو دیوان فیکلٹی آف سائنس، انجینئرنگ اینڈ ٹیکنالوجی نا ڈین نا دفتر اٹی اڈ ہلک۔ دیوان نا کماشی ءِ ڈاکٹر محب اللہ، ڈین فیکلٹی آف سائنس، انجینئرنگ اینڈ ٹیکنالوجی کرے۔ دیوان اٹی جامعہ نا تعلیمی و انتظامی باندات آتے ڈیجیٹل و آٹومیٹک جوڑ کننگ، شفافیت، کارکڑد و خذمت آتا فراوانی ءِ گچین جوڑ کننگ آ سجفنگا۔ دا رد اٹ مالیاتی باندات‘ انسانی وسیلہ غاتا بست وبند‘ طالب علم آتا معلومداری نظام، خریداری، میرات و انوینٹری نا انتظام و تنخواہ تا نظام ءِ ڈیجیٹلائز کننگ نا اہم بشخ آتا وڑ اٹ درستی راستی کننگا۔ کمیٹی ساڑی وسیلہ غاتا جاچ ءِ ہلیک، انتظامی کاختی تا نشاندہی ءِ کیک و ڈیجیٹل نظام نا گچین عملدرآمد کن قابلِ عمل سلاہ ایتک۔