جامعہ تربت نا مینجمنٹ سائنسز ڈیپارٹمنٹ اٹی آن لائن سیشن

تربت، جامعہ تربت نا شعبہ مینجمنٹ سائنسز تینا آن لائن سیشن تا سیریز ءِ برجا تخسا “انٹرپرینیورشپ و کاروباری حکمتِ عملی” نا سرحال آ اسہ آن لائن سیشن اس اڈ تس۔ دا سیشن نا مسخت انٹرپرینیورشپ، مارکیٹنگ و برانڈنگ نا اہمیت ءِ تالان کننگ تون اوار کلاس روم انا تعلیم و عملی کاروباری دنیا نا نیام اٹی خورکی ءِ کم کننگ ئس۔ سیشن آن بشخ انا چیئرمین و انٹرپرینیورشپ نا کورس انسٹرکٹر ڈاکٹر غلام جان، ماسٹر ٹرینر ڈاکٹر شاہد قریشی، چمن ڈرائی فروٹس نا سی ای او محمد احمد و گفٹنگ کمپنی نا سی ای او نثار موسیٰ تران کریر۔ ترانکار آک مارکیٹنگ نا حکمت عملی، انٹرپرینیورشپ و گچین برانڈنگ آ گپ و تران کریر۔