ایران یمن اٹی حوثی تے سلہہ تننگ و اوفتا مخ تفی ءِ بند کے، جی 7 ملک آتا خواست
Get real time updates directly on you device, subscribe now.
نیویارک، جی 7 ملک آتا وزیرخارجہ غاک ایران آن یمن اٹی حوثی تے سلہہ نا فراوانی و اوفتا مخ تفی ءِ بند کننگ وخت اس کہ فرانس حوثی تیان عسکری چک وتاڑ ءِ چٹفساا امن مذاکرات اٹی بشخ ہلنگ نا خواست کرینے، جی 7 ملک آتا وزیرخارجہ غاک اسیجائی بیان اسے ٹی پارینو کہ ایران یمن اٹی حوثی تے سلہہ فراوان کننگ و اوفتا مخ تفی ءِ بند کے۔ جی 7 سعودی عرب آ حوثی تا جلہو تا سخت انگا لوز آتے ٹی مذمت ءِ ہم کرے و پارے کہ یمن اٹی سعودی مخ تفی دوئی کروک فورس آتا برخلاف جنگ اٹی داسہ نا ترندی ڈیہہ و جہانی توانائی نا رکھ اکن گڑتی اسے‘ دا دے ٹی ہزار آ باہوٹ آک یمن آن نرانو، ہراتم ایران نا مخ تفی دوئی کروک دا تنظیم بحیرہ احمر نا سیمی علاقہ ٹی پین علاقہ غاتے تینا کوزہ ٹی ہلک ہرافتے ٹی آبنائے باب المندب نا خڑک انا علاقہ غاک ہم اوار ءُ۔