محسن نقوی نا ایرانی صدر مسعود پزشکیان تون اوڑدہی

تہران، وزیر داخلہ محسن نقوی ایرانی صدر مسعود پزشکیان تون اوڑدہی کرے، ہراٹی پاکستان و ایران نا تین پہ تینی تعلقداری‘ واپاری‘ زرگزران‘ توانائی، سیل سوات‘ زرکاری، سیاست، دود ربیدہ و سائنس و ٹیکنالوجی تیا اوار جتا جتا بشخ آتیٹی کمکاری نا شون تننگ آ گپ وتران کننگا‘ ہڑتوم آ کنڈ آن رابطہ غاتے پین سوگو کننگ و تین پہ تینی کمکاری نا پوسکن آ وارخواہی تا پٹ و پول نا ارادگی نا درشانی کننگا۔ اوڑدہی ٹی محسن نقوی پاکستان و ایران نا نیام اٹی واپاری و زرگزرانی کمکاری ءِ ودفنگ نا گرج آ زور شاغسا پارے کہ ہڑتوم آ ملک آتا نیام اٹی ساڑی تعلقداریک بڑزکو کہول آٹو و اوفتے پین سوگو کننگ کن سنبرینگوک اُن۔‘ ودیک مستحکم کننگ کن پُرعزم اُن۔ وزیر داخلہ تجارت، معیشت، سیاحت، سیاست، ثقافت و سائنس نا بشخ آتیٹی کمکاری نا دائرہ کار ءِ وسعت ننگ آ زور شاغا۔