جماعت اسلامی نا لانگ مارچ اکتوبر نا اولیکو ہفتہ اسکان المی کننگ نا پڑو

ملتان، جماعت اسلامی نا امیر حافظ نعیم الرحمان پارینے کہ وزیراعظم نا خواست آ لانگ مارچ ءِ اکتوبر نا اولیکو ہفتہ اسکان پد بٹنگانے‘ ولے پیٹرولیم لیوی ٹی ودکی ءِ پدی ہلنگ اسکان برانز برجا سلک۔ ملتان اٹی پریس کانفرنس کرسا امیر جماعت اسلامی حافظ نعیم الرحمان پارے کہ جماعت اسلامی الس نا بنداوی ویل آتیا ہیت ءِ کیک، پٹرول نا نہاد و ٹیکس ہلسا حکومت تینا کرپشن ءِ ڈکک‘ ملک انا 42 شار تیٹی دھرناک برجا ءُ۔ حافظ نعیم پارے کہ حکومت ءِ نوشتہ ئی وڑ اٹ لیوی نا چٹفنگ نا پارین ولے ورندی تے آخا ٹی بس‘ کیہی اوڑدہیک مسنو، کراچی آن روہڑی و روہڑی آن ملتان اسکان ٹرین مارچ بنا کرینن، السی ویل آتیکن سلوک اُن۔ او پارے کہ پٹرولیم نہاد آتا سوب آن ملک اٹی حالیت بھاز خراب ءِ وخت اس کہ الس نا نسخان ءِ کننگ انگ ءِ۔