امریکہ دوارہ جلہو کرے تو ورندی تے بھاز گڑیفوک مریک‘ پاسدارانِ انقلاب

تہران، ایرانی پاسدارانِ انقلاب خبردار کرینے کہ امریکہ دوارہ جلہو کرے تو دا وار ہمو پوسکنوڑ سلہہ تے کاریم اٹ اتینہ کہ دنیا حیران مریک۔ درملکی خبر رساں ادارہ نا رِد اٹ فورس انا ترجمان جنرل حسین محبی تینا بیان اٹی پارے کہ امریکہ جلہو آتے دوارہ بنا کرے تو ورندی ٹی سلہہ و جنگ انا وڑ اٹ بدلی کینہ۔ او پارے کہ امریکہ نا پوسکن آ بیدادی نا ورندی پوسکن آ سلہہ و پوسکن آ ہدف آتیان تننگک، دا وار ہندن ءُ پوسکنوڑ سلہہ کاریم اٹ اتینہ کہ دنیا حیران مریک۔ امریکہ دوارہ جلہو کرے تو ننا ہدف آک ہموفک مریرہ ہرافک مہالو نا وار شست متنو۔ او پارے کہ ڈیہہ اٹی ایرانی میزائل و ڈرون نا شست مروک گیشتری امریکی عسکری ہند آک بیکار مسنو۔