شاہد رند .قلاٹ اٹ سیکورٹی فورس آتا سرسہب کارروائی آ شاہد رند انا خراجِ تحسین

وزیراعلیٰ بلوچستان نا کمکار حوالکاری و سیاسی باندات شاہد رند قلاٹ نا خڑک آ دہشت گرد آتا برخلاف سیکورٹی فورس آتا سرسہب کارروائی ناستاءِ کرسا پارے کہ وخت آ و بھرمی کارروائی ٹی پنچ دہشت گرد آتے خلنگ اہم ءُ سرسہبی اسے۔ تینا اسہ بیان اسے ٹی شاہد رند پارے کہ سیکورٹی فورس آک دہشت گرد آتا ہند انا برخلاف کارروائی کرسا 23 برمتہ مروک بندغ آتے رکھی وڑ اٹ پدی ایسر ہرا ستا کڑزوک و بھلو سرسہبی اسے۔ او پارے کہ کارروائی نا نیام اٹی قومی شاہراہ غا الس نا پرامن ہن وبر ءِ زہمی کننگ نا دہشت گرد آتا کوشست ءِ بے سہب کننگا۔ کمکار حوالکاری و سیاسی باندات پارے کہ کارروائی ٹی تاوان کن برمتہ‘ بھتہ خوری و گاڈی تا پلنگ نا زموار دہشت گرد آتا برخلاف کارروائی کننگا۔ دہشت گرد آتا ہند آن شش ٹرک، مسہ بس و اِرا گاڈی ہم دوئی مسر، وخت اس کہ بھلو کچ اسے ٹی سلہہ، منچر دوئی کننگا۔