ضلع کیچ انا جم 571 اسکول آن اسہ تُو اٹ 259 نا دورہ کننگانے،ڈسٹرکٹ ایجوکیشن گروپ نا دیوان

تربت، ڈپٹی کمشنر کیچ یاسر اقبال دشتی نا کماشی ٹی ڈسٹرکٹ ایجوکیشن گروپ نا اہم ءُ دیوان اس اڈ ہلک، ہراٹی ضلع کیچ انا تعلیمی ادارہ غاتا جم حالیت، اسکول تا مانیٹرنگ، بنداوی آسراتی تا فراوانی، استاد آتا کارکڑد و تعلیمی آب اٹی گچینی نا بابت کیہی باندات آتا جم جاچ ہلنگا، دیوان اٹی اسسٹنٹ کمشنر بلیدہ ابوبکر میروانی، ڈسٹرکٹ ایجوکیشن آفیسر کیچ امجد شہزاد، ڈی او ای اصغر علی، ڈی ڈی او ای ممتاز علی، اے ڈی او ای دشت نبی بخش، ڈی ڈی او ای ہوشاب عبیداللہ، ڈی ڈی او ای تربت محمد نعیم، ڈی پی ایم یونیسیف فیض الرحمن، ڈی ڈی او ای دشت مہوش نعمت، ڈی ڈی او ای تربت جنت عزیز، ڈی ڈی او ای ہوشاب ماہ پری سربلند، ڈی او ایف سی ایف کیچ شاہستہ حاصل، ڈی ایم آر ٹی ایس ایم عبدالحلیم، ایس ڈی اے او کیچ صدام حسین تون اوار ایلو تعلقدار ادارہ غاتا افسر و زموار آک بشخ ہلکر، دیوان نا وخت آ ڈسٹرکٹ ایجوکیشن آفیسر کیچ امجد شہزاد ضلع کیچ اٹی جوڑ تعلیمی ادارہ، اسکول تا کچ و داسہ نا مانیٹرنگ سرجز آتا بابت دیوان ءِ بریفنگ تس، او پارے کہ ضلع کیچ اٹی جم وڑ اٹ 571 اسکول ءُ، وخت اس کہ بروک آ تُو اٹ 259 اسکول تا دورہ کننگانے، بریفنگ اٹی مستی پاننگا کہ ضلع ٹی 4 غیر فعال اسکول تا نشاندہی کننگانے، دا وخت آ آر ٹی ایس ایم نا نمائندہ عبدالحلیم بلوچ مانیٹرنگ رپورٹ پیش کرسا پارے کہ آر ٹی ایس ایم نا کنڈ آن 262 اسکول تا دورہ کننگانے، گیشتری اسکول آتیٹی سفا انگا دیر و بھلا باسنی ٹی بجلی نا آسراتی تتون تعلقدار ویل آک مون آ بسنو، ڈپٹی کمشنر کیچ یاسر اقبال دشتی دیوان آن تران کرسا پارے کہ ضلع کیچ اٹی تعلیمی ادارہ غاتا گچینی‘ طالب علم آتے گچین تعلیمی چاگڑد نا فراوانی و اسکول آتیٹی بنداوی آسراتی تا دوئی مننگ ضلعی انتظامیہ نا اہم اولیت آتیٹی اوار ءِ‘ او پارے کہ آر ٹی ایس ایم نا مانیٹرنگ رپورٹ آتا بنداو آ اسکول آتا گرج آتا جاچ ءِ ہلسا عملی گام گیج کننگک تاکہ تعلیمی ادارہ غاتیٹی ساڑی ویل آتے ریسہ اٹ ایسر کننگ مرے و طالب علم آتے گچین تعلیمی آسراتی فراوان مرے۔