پولیس کارندہ غاتا شہادت است ءِ ہسون کرے، ظہور بلیدی

کوئٹہ، صوبائی وزیر میر ظہور احمد بلیدی کوہاٹ نا متکن آ پولیس لائن جومات اٹی مروک آ دھماکہ نا ترند مذمت ءِ کرسا پولیس کارندہ نا شہادت و کیہی بندغ آتا ٹھپی مننگ آ ڈکھ و ارمان نا درشانی ءِ کرینے، میر ظہور بلیدی پارے کہ مسیت کون آ مقدس ہند ءِ دہشت گردی اٹ شست کننگ بھاز ارمانی و امنا مفروک ءِ‘‘ کودک آ شاری و امن نا پاسبان آتیا جلہو ہچ وڑ اٹ امنا کننگ مفک، صوبائی وزیر شہید پولیس کارندہ نا خاہوت آتتون است ہسونی و ہمدردی نا درشانی ءِ کرسا پارے کہ ڈکھ انا دا ساہت اٹی زہمی خاہوت آتا ڈکھ اٹی اوار اُن، او ٹھپی تا زوت دراخ جوڑی کن دعا کرسا پارے کہ دہشت گردی نا برخلاف قوم انا ارادگی نزور کننگ مفک، ملک اٹی امن و سوگوی کن قومی سیوت و اسیجائی جہد ءِ پین سوگو کروئی مریک، میر ظہور بلیدی شہید پولیس کارندہ نا درجہ غاتا بڑزی کن ہم دعا کرے۔