محمد بلال ریکی GBHSہتھیاری گدر نا چارج ءِ دوئی کرے
Get real time updates directly on you device, subscribe now.
سوراب، محمد بلال ریکی گورنمنٹ بوائز ہائر سیکنڈری اسکول ہتھیاری گدر نا باقاعدہ چارج ءِ ہلسا تینا زمواری تے سر تننگ نا بناءِ کرینے، چارج ہلنگ آن پد او تعلیمی باندات‘ تدریسی نظام و طالب علم آتے مون تروک ویل آتا جاچ ءِ ہلسا اسکول نا انتظامی و تعلیمی باندات آتے پین گچین کننگ نا ارادگی نا درشانی ءِ کرے، گورنمنٹ بوائز ہائر سیکنڈری اسکول ہتھیاری تحصیل گدر نا بنجائی شار اٹی جوڑ اہم تعلیمی ادارہ غاتیٹی حساب مریک، ہراڑے علاقہ نا طالب علم آتے آب اٹو تعلیم نا فراوانی کن استاد و انتظامیہ تینا زمواری تے سر تننگ ءُ‘ محمد بلال ریکی نا کنڈ آن باقاعدہ وڑ اٹ چارج ہرفنگ آن پد لمہ باوہ، طالب علم و ہندی الس اومیت درشان کرینے کہ اسکول اٹی تعلیمی سرجز آتے پین منظم و بھرمی کننگ کن عملی گام گیج کننگک، دا وخت آ محمد بلال ریکی دا ارادگی نا درشانی ءِ کرے کہ طالب علم آتا تعلیمی گچینی‘ نظم و ضبط، حاضری و اسکول نا جم تعلیمی چاگڑد ءِ جوڑ کننگ کن کل دوئی وسیلہ غاتے کاریم اٹ اتنگک او پارے کہ تعلیمی ادارہ غاک راج اسے نا شونداری نا بنداو مریرہ، ہندا سوب آن طالب علم آتے گچین تعلیمی چاگڑد فراوان کننگ ننا کل انا اسیجائی زمواری ءِ۔(سراج احمد بلوچ)