ننا برانز پر امن و الس ءِ ریلیف تننگ کن ءِ،حافظ نعیم الرحمن

اسلام آباد، امیر جماعت اسلامی حافظ نعیم الرحمن پارینے کہ ننا برانز پرامن ءِ دا الس ءِ ریلیف تننگ کن ءِِ اوپارے کہ حکومت ءِ لیوی نا دروشم اٹ بھتہ ہلنگ ءِ چٹفوئی تمک۔ جمعہ نا دے اسلام آباد اٹ پریس کانفرنس آن تران کرسا امیر جماعت اسلامی پارے کہ دا وخت آ ملک انا الس عذاب اٹی ءِ و حکومت ریلیف تننگ آ امنا اف۔ او پارے کہ پٹرول نا نہاد ءِ کم کننگ کن لیوی ءِ چٹفوئی تمک‘ داڑان الس ءِ ریلیف رسینگک۔ اوپارے کہ فروری ٹی ایران آ جلہو آن پد نہاد آتے ٹی ودکی آن پد آئل ریفائنری تون بایدے ہیت کروئی ئس ولے کننگتو و داڑتون اوار لیوی ءِ ہم چٹفنگتو۔ اوپارے کہ لیوی نا رد اٹ حکومت کٹیا نابناءِ کرینے‘ حکومت تینا شاہ خڑچی تے کم کتو ہرانا زہم پاکستان نا صنعت و واپاری آ تمانے۔