بلاول بھٹو نا کوہاٹ پولیس لائنز نا خڑک آ دہشت گرد جلہو نا مذمت

اسلام آباد، پاکستان پیپلز پارٹی نا چیئرمین بلاول بھٹو زرداری کوہاٹ پولیس لائنز نا خڑک آ دہشت گرد جلہو نا سخت انگا لوز آتے ٹی مذمت ءِ کرسا نہادی انسانی جان تا زیان ڈکھ و ارمان نا درشانی ءِ کرینے، بلاول بھٹو زرداری پارے کہ دہشت گرد آتا مون آ سلسا مون تروک خیبر پختونخوا پولیس نا بہادر آ کارندہ تے خراجِ تحسین پیش کینہ، پولیس نا دہشت گرد آتا برخلاف ارادگی پاکستان نا پاسبان آتا بے مٹ بہادری نا ڈیک ءِ، او شہید آتا پدخاہوت آتتون ہمدردی و یکجہتی نا درشانی ءِ کرسا ٹھپی تا زوت دراخ جوڑی کن دعا کرے، پیپلز پارٹی نا چیئرمین پارے کہ بے گناہ شاری تے شست کرو و مسیت آتا شرف ءِ کپروک دہشت گرد آتا دین و انسانیت تون ہچ ءُ تعلقداری اس اف، دہشت گردی نا برخلاف جنگ اٹی مچ آ قوم تینا پولیس و سیکورٹی فورس آتتون اوار سلوک ءِ۔