کوہاٹ دھماکہ غان نسخان آک است ءِ ہسون کریر، گورنر بلوچستان

کوئٹہ، گورنر بلوچستان جعفرخان مندوخیل کوہاٹ نا متکن آ پولیس لائن اٹی مروک آ بم دھماکہ نا سوب آن بندغ آتا شہید و ٹھپی مننگ آ ڈکھ و است ہسونی نا درشانی ءِ کرینے، تینا مذمتی بیان اٹی او پارے کہ دہشت و وحشت آ تالان ذہنیت نا چٹفنگ المی مسنے، دا مسخت کن ننے قومی سیوت و امنائی نا درشانی ءِ کروئی تمک، اسیجائی کوشست آتیان نن دہشت گرد و تخریب کار آتا پراگندہ ارادہ غاتے مش اٹی اوار کننگ کینہ‘ گورنر مندوخیل کوہاٹ بم دھماکہ ٹی شہید آتا بخشش و ٹھپی تا زوت دراخ جوڑی کن دعا کرے و زہمی خاہوت آتتون اوار ٹھپی تتون یکجہتی و ہمدردی نا درشانی ءِ ہم کرے۔