امریکہ نا کنڈ آن ایرانی ڈَل آ پوسکن ءُ رکھ خلنگار

واشنگٹن، امریکہ اقوام متحدہ نا جنرل اسمبلی ٹی بشخ ہلنگ کن بروک ایرانی ڈل آ پوسکن ءُ رکھ خلکنے۔ امریکی محکمہ خارجہ نارد اٹ ایرانی ڈل ءِ نیویارک آ بننگ نا تو موکل تننگا ولے دا وار ڈل انا کچ ءِ تدوک آ سال انا مون اٹ کم تخنگا۔ ایرانی ڈل انا باسک آتا ہن وبر سرجز آک کچ اٹ مریرہ۔ وخت اس کہ امریکہ ٹی لگژری و پین ایلو گڑاتا ہلنگ آ ہم رکھ خلنگانےِ۔امریکی وزیر خارجہ مارکو روبیو ناکنڈآن ویزا و سفری شڑت آتیا سخت موقف مون آ بسنے۔ ایران و امریکہ نا نیام ٹ برجا چک وتاڑ نا رد اٹ ایرانی ڈل انا اقوام متحدہ نا دیوان اٹ بشخ ہلنگ ہم اہم سفارتی پیش رفت اس گوندنگ انگ ءِ۔