آواران کارروائی آ سیکورٹی فورس آک ستا کڑزرہ، ظہور بلیدی
Get real time updates directly on you device, subscribe now.
کوئٹہ، صوبائی وزیر میر ظہور احمد بلیدی آواران اٹی دہشت گرد آتا برخلاف سیکورٹی فورس آتاسرسہب آ کارروائی ءِ ستا کڑزوک گوندسا پارینے کہ آپریشن نا وخت آ دہشت گرد آتے خلنگ سیکورٹی فورس آتا کسبی چاہنداری‘ وخت آ کارروائی و بھرمی حکمت عملی نا پاش شاہدی ءِ، تینا بیان اٹی ظہور بلیدی پارے کہ بلوچستان اٹی امن و سوگوی ءِ نسخان رسینفنگ نا ہر کوشست ءِ بے سہب کننگک، دہشت گرد و اوفتا کمکار آک صوبہ نا امن، شونداری و شونہالی نا سفر اٹی اڑاند جوڑ مننگ کپسہ‘ صوبائی وزیر پارے کہ دہشت گردی نا برخلاف جنگ اٹی سیکورٹی فورس و کانود نافذ کروک ادارہ غاک ارادگی اٹ کارروائی تے برجا تخانو، بلوچستان نا امن کن جان ندر کروک سیکورٹی فورس آتا ورناک مچ آ قوم اکن گمر نا سوب ءُ۔