حوثی تتون دراست مذاکرات برجاءِ، جے ڈی وینس

کنساس، امریکہ نا نائب صدر جے ڈی وینس پارینے کہ او یمن و اونا ایب کیب اٹی حالیت آتا چاروکی ءِ کننگ اٹی ءُ و حوثی تتون ہم حوالی ءُ۔ امریکی ریاست کنساس اٹی اسہ صحافی اس جے ڈی وینس آن سوج کرے کہ مگہ اوفتے بحیرہ احمر اٹی ساڑی بریم جزیرہ غا حوثی تا کوزہ غان گڑتی ارے؟ امریکی نائب صدر ورندی تس کہ نن دا حالیت آتیا جاچ ءِ ہلنگ اٹی اُن‘ نن اماراتی، سعودی و ڈیہہ انا ایلو زہمی فریق آتتون پدریسہ حوال کننگ اُن۔ او مستی پارے کہ امریکی انتظامیہ دا باندات ءِ اولیتی بنداو تیا ہننگ اٹی ءِ و او حوثی تتون دراست مذاکرات کننگ اٹی ءِ۔ جے ڈی وینس مستی پارے کہ نن دا حالیت آتا چاروکی ءِ برجا تخنہ وپک کینہ کہ امریکہ نا فائدہ غاتے نسخان مف۔