پارلیمان ملک انا بنجائی جمہوری ادارہ ءِ، الس نا نمائندگی ءِ کیک،وزیراعظم محمد شہباز شریف

اسلام آباد، وزیراعظم محمد شہباز شریف پارینے کہ پارلیمان ملک انا بنجائی جمہوری ادارہ ءِ، ہرا الس نا نمائندگی ءِ کیک۔ پاکستان نا بنجائی پارلیمانی جمہوری نظام، السی فائدہو اسلامی بنچخ نا رِد اٹ کانود جوڑ کننگ نا واکداری ایتک۔ ساڑی دور انا بدل مروک خواست آتا رد اٹ السی استخواہی و السی گرج آتا رِد اٹ کانود جوڑ کننگ پارلیمنٹ نا زمواری تے ٹی اوار ءِ۔ جمہوریت نا جہانی دے آ کلہو اٹی وزیراعظم شہباز شریف پارے کہ پاکستان اینو جہانی دنیا تون اوار توار مرسا جہانی یومِ جمہوریت اڈ تننگ اٹی ءِ۔ دا دے جمہوریت نا بنداوی قدر، بریبری، انصاف و آجوئی نا شون تننگ، السی سلاہ نا شرف، انسانی وقار نا رکھ و کانود نا بالادستی تون گنڈوک مننگ نا دوارگی کننگ نا وارخواہی فراوان کیک۔ جمہوری نظام حکومت اٹی واک آک الس نا گچین مروک نمائندہ تا کمک اٹ السی آسودہی کن کاریم اٹ اتنگرہ۔ پارلیمان ملک انا بنجائی جمہوری ادارہ ءِ، ہرا الس نا نمائندگی ءِ کیک۔ وزیراعظم پارے کہ آئین پاکستان ریاست و شاری تا نیام اٹی تعلقداری ءِ کانودی دروشم اٹی بیان کیک۔ آئین نا آرٹیکل 25 ہر شاری نا بریبر حق و کانود نا رد اٹ بریبری نا ضمانت فراوان کیک۔ قومی کہول آ آئینِ پاکستان، بنجا نا کل اکائی تے، قومی ادارہ غاتا باوقار ہند و نظم و نسق ءِ شین ایتک۔ وزیراعظم پارے کہ پاکستان نا بنجائی پارلیمانی جمہوری نظام، السی فائدہ و اسلامی بنچخ نا رِد اٹ کانود جوڑ کننگ نا واکداری ایتک۔ ساڑی دور انا بدل مروک خواست آتا رد اٹ السی خواست و السی گرج آتا رِد اٹ کانود جوڑ کننگ پارلیمنٹ نا زمواری تے ٹی اوار ءِ۔ وزیراعظم پارے کہ ساڑی دور انا چیلنج آتتون مون تننگ و شونہال آخبت ءِ پک کننگ کن المی ءِ کہ نن السی آسودہی نا ضامن بنداوی جمہوری قدر آتے سوگو کین۔