مستونگ سرسہب آپریشن اہم ءُ پیشرفت اسے، شاہد رند

کوئٹہ، وزیراعلیٰ بلوچستان نا کمکار حوالکاری و سیاسی باندات شاہد رند ضلع مستونگ اٹی سیکورٹی فورس آتا کنڈ آن فتنہ الہندوستان نا برخلاف سرسہب کارروائی ءِ اہم ءُ پیشرفت اس گوندسا پارینے کہ دہشت گردی نا پورو چٹفنگ اسکان کارروائیک برجا سلرہ۔ شاہد رند پارے کہ سیکورٹی فورس آک مستونگ اٹی فتنہ الہندوستان نا دہشت گرد آتا برخلاف سرسہب کارروائی کرسا کمانڈر نقیب تون اوار مسہ دہشت گرد ءِ کسفیر۔ او پارے کہ کارروائی نا وخت آ فتنہ الہندوستان نا گاڈی ءِ کواڈ کاپٹر نا کمک اٹ سرسہبی اٹ شست کننگا، ہرانا سوب آن کل مسہ دہشت گرد خلنگار وخت اس کہ گاڈی پورو وڑ اٹ بھس مس۔