آئی ایم ایف نا پاکستان نا کل ہدف آتیا است جمی نا درشانی

اسلام آباد، وزارت مالیات نا حوالی پارینے کہ آئی ایم ایف نا مشن نا ملک آ بننگ داسکان پک مننگ کتنے ہندا سوب آن مننگ کیک کہ آئی ایم ایف تون مذاکرات آک ورچوئل مریر۔ حوالی پارینے کہ آئی ایم ایف دا وخت اسکان پاکستان نا کل ہدف آتیا است جمی نا درشانی ءِ کرینے، آئی ایم ایف نا است جمی نا بھلا سوب پاکستان نا کنڈ آن بانڈ جاری کننگ ءِ۔ حوالی نا رِد اٹ بجلی نا ودوک آ گردشی وامک حکومت کن بھلو چیلنج اس مننگ کیرہ، مذاکرات اٹ گردشی وام آ پاکستان ءِ سخت سوج آتتون مون تروئی تمنگ کیک۔ داکان بیدس آئی ایم ایف سرکاری خڑچ آتیٹی کمتی نا شڑت تخانے‘ بنجائی حکومت سرکاری خڑچ آتیٹی کمتی کن گام گیج آتا بناءِ کرینے، ہراڑکن باقاعدہ نوٹیفکیشن ہم جاری کننگانے۔ حوالی مستی پارے کہ آئی ایم ایف تون جون 2026ء اسکان دوئی کروک ہدف آتیا مذاکرات مریک وخت اس کہ ساڑی مالی سال اکن آئی ایم ایف پوسکن آ ہدف و شڑت آتے ہم پاہک۔