58 ارب ڈالر نا بجلی پیداوار و راہی تس نا پلان نامنظوری
Get real time updates directly on you device, subscribe now.
اسلام آباد، نیپرا انٹیگریٹڈ سسٹم پلان 2025-2035 نا شڑت آ منظوری ءِ تسنے ہرانا رِد اٹ بروک آ 11 سال اٹی بجلی نا پیداوار و رسینگ گیگ نا بشخ آتیٹی جم وڑ اٹ 58 ارب ڈالر نا زرکاری نا گمان ءِ۔ نیپرا نا رِد اٹ پلان اٹی 26 ہزار 45 میگاواٹ پوسکن آ پیداواری واکداری اوار کننگ نا سلاہ ءِ‘ ہراٹی 17 ہزار 485 میگاواٹ کمٹڈ و 8 ہزار 560 میگاواٹ آپٹمائزڈ لائخی اوار مریر وخت اس کہ 2 ہزار 577 میگاواٹ متکن آ پیداواری لائخی ءِ ریٹائر کننگ نا سلاہ ہم تننگانے۔ نیپرا پارینے کہ 2035ء اسکان ملک انا جم خلوک پیداواری لائخی 62 ہزار 657 میگاواٹ اسکان سر مننگ نا گمان ارے وخت اس کہ ڈٹ اٹی 8 ہزار 120 میگاواٹ نیٹ میٹرنگ ہم اوار ءِ۔ ڈٹ انا رِد اٹ ودکی بجلی پیداوار کننگ نا واکداری آ 47 ارب ڈالر آن زیات خڑچ انا گمان ارے وخت اس کہ ٹرانسمیشن ڈٹ آتیکن 10 ارب 65 کروڑ ڈالر درکار مریک۔ ٹرانسمیشن نظام نا سوگوی و پوسکن آ گرڈ اسٹیشن آک ہم ڈٹ انا بشخ ءُ۔