مکہ معاہد ہ ڈیہہ و دنیاٹی امن و سوگوی اٹ کمکار مریک، ترک صدر
Get real time updates directly on you device, subscribe now.
بشکیک، ترک صدر رجب طیب اردوان دا ہیت ءِ پک کرینے کہ ترکیہ، سعودی عرب و پاکستان نا نیام اٹ پک مروک ”مکہ اسیجائی دفاعی معاہدہ“ ڈیہہ ودنیاٹی امن و سوگوی نا دوئی کننگ اٹ اہم کڑد ادا کیک۔ العربیہ اردو نا رداٹ او تدوک آ دے کرغزستان نا دارالحکومت بشکیک اٹ مروک آ شنگھائی کمکار تنظیم نا ملکی سروک و حکومت آتا دیوان اٹی تران کرسا پارے کہ علاقائی ملکیت و اجتماعی مزاحمت نا بنداو آ جوڑ مکہ اسیجائی دفاعی معاہدہ ڈیہہ و دنیاٹی امن و سوگوی نا دوئی کننگ اٹ اہم کڑد ادا کیک۔ مکہ اسیجائی دفاعی معاہدہ نا سیاسی و دفاعی اسٹریٹجک کمیٹی نا کنڈآن دوشنبے نادے آجاری اسہ اسیجائی بیان اسے ٹی دا ہیت ءِ پک کننگاسس کہ سعودی عرب، پاکستان و ترکیہ دفاعی صنعت نا بشخ اٹ سوگو کمکاری، پیداوار و اسیجائی ٹیکنالوجی نا شونداری نا کمک اٹ اسیجائی سرجزآتیان تینا دفاعی لائخی و تینا سلہہ بند فوج آتا بریبری ءِ سوگو کیرہ۔