پمز خاخر ہلنگ نا واقعہ غا بے مٹ پرسجوئی کسر اس دوئی کننگے،وزیر دفاع خواجہ محمد آصف

اسلام آباد، وزیرِ دفاع خواجہ محمد آصف پمز خاخر ہلنگ نا واقعہ غا دروری و بے مٹ پرسجو نا خواست کرسا پارے کہ اگہ نظام ءِ جوان کروئی ءِ تو دا شکست نا پرسجو ءِ بے مٹ جوڑ کروئی تمک‘ حکومت نا شرف بایدے پک مرے۔ ہرافتے ریگولیٹ مروئی ئس، او تینٹ ریگولیٹر جوڑ مسر، کس اس استیفہ تننگ نا اخلاقی جیرت کتو‘ حکومت ءِ تینٹ استیفہ ہلوئی تما۔ سوشل میڈیا ایکس (X) آ جاری مروک بیان اٹی وزیرِ دفاع خواجہ آصف پارے کہ ہر بشخ انا اسہ ریگولیٹری ادارہ اس مریک ہرا اونا کارکڑد نا جاچ ءِ ہلیک۔ دُن کہ اسٹیٹ بینک فنانس و بینکنگ نا، اوگرا پٹرولیم نا و نیپرا پاور سیکٹر نا۔ وزیرِ دفاع پارے کہ اسلام آباد اٹی جانجوڑی نا بشخ انا ریگولیٹر ہسپتال و میڈیکل کالج آتا مالک آتیا تالان ءِ‘ ہرافک دا بھلا شکست آن پد ہم شکی متوس و نئے حیا کرسا استیفہ تسر بلکہ حکومت الس نا غاو آ تینٹ اوفتیان استیفہ ہلک‘ یعنی ہرافتے ریگولیٹ مروئی ئس او تینٹ ریگولیٹر جوڑ مسر‘ پنجابی نا محاورہ اسے کہ “چور تے۔۔۔ رل گئے۔” دا حالیت اٹی بھلوشکست مف تو پین انت مریک۔ او پارے کہ کیہی سال آتیان اسلام آباد نا سَدآ ہسپتال آتے رجسٹریشن و لیسن اف اگہ دا ڈیوالئی نا کس اس زموار ءِ تو بایدے پاننگے۔