امریکی فوج ءِ کشنگے، آخا تو بھلو کارروائی اس کینہ، ایران نا دھڑکو

تہران، ایرانی پاسدارانِ انقلاب نا سیاسی نائب جنرل یداللہ جوانی خلیجی و عرب ملک آتیان خواست کرینے کہ او تینا ڈغار آن امریکی فوج آتے دمدستی وڑ اٹ کشر‘ آخا تو اوفتے سخت عسکری کارروائی مون تروئی تمک۔خبر رساں ادارہ تسنیم نا رِداٹ جنرل یداللہ جوانی تینا بیان اٹی پارے کہ ایرانی فوج دا ہیت ءِ پک کرینے کہ او ایران آ جلہو کن کاریم اٹ اتنگوک ہر وڑ انا فوجی اڈہ یا ہند اسے نابرخلاف فیصلہ ئی و سخت ورندی کارروائی کننگ کیک۔ خاص وڑ اٹ کویت، بحرین و اردن نا پن ءِ ہلسا پارے کہ دا ملک آتیٹی ساڑی امریکی فوجی اڈہ غاتیان ایران نا برخلاف جلہو نا کارروائیک مریرہ، ایرانی فورس آتا ورندی جلہو آتا پلویڑاٹ بننگ کیرہ۔