امیر جماعت اسلامی نا اینو ولدا مچ آ ملک اٹ ہڑتال نا پڑو
Get real time updates directly on you device, subscribe now.
کراچی، امیر جماعت اسلامی حافظ نعیم الرحمن مچ آ ملک اٹی ہڑتال نا باقاعدہ پڑو کرسا پارے کہ دنیا مچ ٹی انتظامی گرج انا رد اٹ پوسکن صوبہ جوڑ مننگ کیک ولے ایم کیو ایم والاک 40 سال آن بیرہ ہیرا پیری کننگ اٹی ءُ۔ ایک بیان اسے ٹی حافظ نعیم الرحمن پارے کہ آئل کمپنی و حکومت نا پراگندہ اواری نا باریم ءِ غریب الس ہرفنگ اٹی ءِ‘ غریب الس ءِ ٹیکس فری کننگپک ولے چینی مافیا کن ٹیکس صفر کننگانے، جماعت اسلامی نا السی تحریک اٹی مچ آ اپوزیشن جماعت آک اوار ءُ۔او پارے کہ دا تحریک گلی محلہ غاتا کہول آن مونی ہننگ اٹی ءِ‘ بجلی آ کیپسٹی پیمنٹ و فکسڈ چارجز الس آ بھلو باریم اسے‘ 1700 ارب روپئی ناکچ آئی پی پی تے تننگا‘ ہرا الس نا دتر آن کشنگانے۔ امیر جماعت اسلامی پارے کہ دنیا ٹی انتظامی گرج انا رد اٹ پوسکن صوبہ جوڑ کننگ مریک‘ صوبہ جوڑ کننگ اٹ السی سلاہ و آئین ءِ ہننگے۔ ولے ایم کیو ایم والاک 40 سال آن الس ءِ لُٹنگ اٹی ءُ۔