وزیر اعلیٰ میر سرفراز بگٹی تون بگٹی قبیلہ نا سرکڑدہ غاتا اوڑدہی

کوئٹہ، وزیراعلیٰ بلوچستان میر سرفراز بگٹی تون سَے شنبے نا دے چیف منسٹر سیکریٹریٹ اٹی بگٹی قبیلہ نا سرکڑدہ وشرفمند شخصیت آک اوڑدہی کریر۔ اوکان گڈ پاکستان پیپلز پارٹی نا سینئر رہنما و فوکل پرسن ٹو چیف منسٹر سید اقبال شاہ نا کماشی ٹی پاکستان پیپلز پارٹی نا سرکڑدہ غاک ہم وزیراعلیٰ بلوچستان تون اوڑدہی کریر۔ اوڑدہی ٹی صوبائی وزیر میر صادق عمرانی، بخت محمد کاکڑ و حاجی علی مدد جتک ہم ساڑی ئس۔ اوڑدہی نا وخت آ تین پہ تینی اسخواہی نا باندات‘ صوبہ نا جم حالیت و سیاسی و قبائلی باندات آتیا گپ وتران کننگا۔ وزیراعلیٰ میر سرفراز بگٹی دا وخت آ پارے کہ بلوچستان نا شونداری، امن و سوگوی و الس نا آسودہی حکومت نا اولیکو اولیت آتے ٹی اوار ءِ‘ وخت اس کہ صوبہ نا کل تپہ غاتا اواری اٹ مونی ہننگ کن بھرمی گام گیج کننگ انگ ءِ۔