مکہ معاہدہ بھارت و ایلو اسلام دشمن آتے تغ آن بٹینے، خواجہ محمد آصف

استنبول، وزیر دفاع خواجہ آصف پارینے کہ مکہ دفاعی معاہدہ نا سوب آن بھارت تون اوار عالمِ اسلام نا کل دشمن تا تغ حرام مسنے ولے دا معاہدہ ہچ ءُ ملک اسے نا برخلاف جنگ اکن اف بلکہ ڈیہہ انا امن ءِ پین سوگو کننگ کن ءِ۔ میڈیا تون ہیت وگپ کرسا اوپارے کہ تدوک آ دے مروک آ دیوان اٹی جوزہ غان پُر و تین پہ تینی سیوت آ تالان ئس۔ دیوان اٹی مکہ معظمہ ٹی پک مروک دفاعی معاہدہ نا مچ آ پنجر ءِ ٹہیفنگ آ پورو ہیت مس۔ داسہ معاہدہ نا آخبت آ سیکرٹریٹ، عہدیدار پن کننگ و شڑت وضابطہ جوڑ کننگ آ شرہ مسنے۔ او پارے کہ دیوان اٹی معاہدہ ءِ ڈیہہ اٹی امن کن پین بھرمی جوڑ کننگ، سیکرٹری جنرل نا عہدہ، پوسکن آ باسک ملک آتا اواری نا شڑت و ضابطہ و مُد ءِ پک کننگ تون اوار ایلو پنجر باندات آ جم گپ وتران مس و پاکستان دا رد اٹ اسہ جم مسودہ اس پیش کرے ہرانا کل شریدار آک ستاءِ کریر۔ او پارے کہ معاہدہ نا پنجر پورو مننگ اٹی داسہ ہم کساس یک ونیم تُو وخت درکارءِ‘ دانا ماڑی بروک آ تُو انا گڈسر اسکان پورو وڑ اٹ تیار مریک۔